Þingmenn á þjóðfundi

Formaður Sjálfstæðisflokksins og þingmaðurinn Bjarni Benediktsson situr ásamt fimmtán hundruð manns á þjóðfundinum sem haldinn er í Laugardalshöll en með honum situr einnig Guðbjartur Hannesson, þingmaður Samfylkingarinnar.

Vísir hefur haft spurnir af fleiri stjórnmálamönnum en þar á meðal eru borgarfulltrúar.

Um 1.500 manns hafa horft á beina útsendingu á netinu frá Þjóðfundinum. Fyrirtækið Sense annast beinast útsendingu frá fundinum. Sense og Luxor leggja einnig til allan hljóð- mynd-, ljós- og sviðsbúnað fyrir fundinn. Þá koma ThinkPad tölvur frá Nýherja, móðurfélagi Sense.

Fundurinn stendur til fimm í dag. Áður en fundi verður slitið munu bændur bjóða gestum upp á íslenska kjötsúpu væntanlega til þess að skerpa skilningsvit fundargesta.

Hægt er að fylgjast með þjóðfundinum hér.