Icesave afgreitt úr fjárlaganefnd

Frumvarp ríkisstjórnarinnar um ríkisábyrgð vegna Icesave reikninga Landsbankans var afgreitt úr fjárlaganefnd Alþingis í kvöld með atkvæðum stjórnarmeirihlutans gegn atkvæðum minnihlutans. Varaformaður nefndarinnar á von á því að frumvarpið verði lagt fram sem þingmál á morgun.

Björn Valur Gíslason, þingmaður VG og varaformaður fjárlaganefndar, segir að fulltrúar stjórnarandstöðunnar í nefndinni hafi talið að málið væri ekki fullrætt og að betur þyrfti að fara yfir álit efnahags- og skattanefndar. „Að mati meirihlutans kom ekkert nýtt fram í álitum nefndarinnar sem kallaði á frekari umræður. Þetta voru sömu atriði og rætt var um í sumar,“ segir þingmaðurinn.

„Ég ekki von á öðru en að það verði lagt fram sem þingmál á morgun og það verður þá hugsanlega tekið til annarrar umræðu í vikunni,“ segir Björn Valur.