Í kvöld varð ljóst að Völsungur frá Húsavík og KV eða Knattspyrnufélag Vesturbæjar munu leika í 2. deild næsta sumar.

Völsungur vann 5-2 sigur gegn Hvíta riddaranum á Húsvíkurvelli í seinni umspilsleik liðanna í úrslitakeppni 3. deildar en fyrri leikurinn fór 1-1 og vann Völsungur því einvígið samanlagt 6-3.

KV vann Ými úr Kópavogi 2-0 á KR-vellinum í kvöld og einvígið samanlagt 2-1.

Úrslitaleikur Völsungs og KV fer fram á laugardaginn næstkomandi.

Úrslit kvöldsins og markaskorarar (heimild: Fótbolti.net)

Völsungur 5 - 2 Hvíti Riddarinn
1-0 Elfar Árni Aðalsteinsson
2-0 Elfar Árni Aðalsteinsson
3-0 Hermann Aðalgeirsson
3-1 Sindri Már Kolbeinsson
4-1 Elfar Árni Aðalsteinsson
5-1 Elfar Árni Aðalsteinsson
5-2 Arnór Þrastarson
Rautt spjald: Guðmundur Kristinn Pálsson, Hvíta Riddaranum ('30)

KV 2-0 Ýmir
1-0 Magnús Bernhard Gíslason
2-0 Steindór Oddur Ellertsson