Megson: Vonumst til þess að fá framherja fyrir tímabilið

Knattspyrnustjórinn Gary Megson hjá Bolton viðurkennir að hann vonist til þess að fá nýjan framherja til félagsins fyrir komandi átök í ensku úrvalsdeildinni.

Megson er fyrir með Johan Elmander og Kevin Davies en hefur misst þá Ariza Makukula og Ebi Smolarek sem voru á láni hjá Bolton á síðustu leiktíð en knattspyrnustjórinn ákvað að bjóða hvorugum þeirra áframhaldandi samning.

„Ég vonast til þess að fá nýjan leikmann á næstu dögum þar sem við erum frekar þunnskipaðir fram á við. Ég veit hvern ég vill fá og við sjáum til á næstu dögum hvort að það gangi ekki eftir," segir Megson.