Toure: City verður óstöðvandi

Kolo Toure er búinn að koma sér vel fyrir hjá Manchester City eftir 16 milljón punda félagsskipti hans frá Arsenal á dögunum og varnarmaðurinn telur að City geti orðið óstöðvandi áður en langt um líður.

„Ég er sannfærðum um að við munum verða óstöðvandi. Við erum ekki komnir þangað núna og eigum aðeins í land með að ná topp fjórum félögunum en með þann mannskap sem við erum komnir með verður ekki lengi að bíða eftir því," segir Toure.

Ásamt því að horfa fram á veginn notaði Toure líka tækifærið til þess að þakka knattspyrnustjóranum Arsene Wenger hjá Arsenal fyrir gamla tíma.

„Herra Wenger var mér eins og faðir og ég hef ekkert nema góða hluti að segja um hann. Ég er sá maður og sá leikmaður sem ég er í dag út af honum," segir Toure í viðtali við Sky Sports fréttastofuna.