Svíar öruggir í fjórðungsúrslitin

Svíþjóð vann í dag 2-0 sigur á Ítalíu í C-riðli Evrópumeistaramóts kvenna í knattspyrnu sem fer fram í Finnlandi. Um leið tryggði liðið sér sigur í fjórðungsúrslitum mótsins.

Síðar í dag mætast Englendingar og Rússar og ef síðarnefnda liðið ber þar sigur af hólmi eða liðin skilja jöfn eru Svíar öruggir með efsta sæti riðilsins. Englendingar eru að sama skapi úr leik ef liðið tapar leiknum.

Lotta Schelin skoraði fyrra mark Svía í dag á 9. mínútu leiksins og lagði svo upp síðara markið fyrir Kosovare Asllani tíu mínútum síðar.

Ítalir eru með þrjú stig í riðlinum eftir sigur á Englandi í fyrstu umferð riðilsins og stendur ágætlega að vígi þrátt fyrir tapið í dag.