Markalaust hjá U19-landsliðinnu

Ísland gerði í dag markalaust jafntefli við Norður-Írland í undankeppni EM landsliða skipuð leikmönnum nítján ára og yngri.

Riðill Íslands fer fram í Bosníu og tapaði Ísland fyrir heimamönnum í fyrsta leik mótsins, 1-0.

Bosníumenn hafa reyndar tryggt sér efsta sæti riðilsins þar sem liðið er með fullt hús stiga eftir fyrstu tvo leikina. Norður-Írland er með tvö stig og Búlgaría og Ísland með eitt hvort.

Efstu tvö liðin úr riðlinum komast áfram í næstu umferð og þarf Ísland því nauðsynlega á sigri að halda í lokaleik sínum til að eiga möguleika á öðru sætinu. Ísland mætir Búlgaríu á mánudaginn.