Hughes gefst ekki upp á Lescott

Mark Hughes, stjóri Man. City, neitar að játa sig sigraðan í baráttunni um varnarmanninn Joleon Lescott.

Everton hefur neitað félagaskiptabeiðni leikmannsins og hefur þess utan hafnað tilboðum frá City í leikmanninn. Þau hljóðuðu upp á 15 og 18 milljónir punda.

Davod Moyes, stjóri Everton, segir að leikmaðurinn sé ekki til sölu en Hughes neitar að hlusta á það.

„Við erum enn að ræða við þá menn sem taka lokaákvörðun um hvort hann fær að fara eða ekki. Hversu lengi í viðbót þær viðræður muni standa er erfitt að segja," sagði Hughes.

Hughes hefur þegar fengið miðvörðinn Kolo Toure frá Arsenal í sumar.