Lionel Messi hlýtur Gullbolta France Football í ár

Argentínumaðurinn Lionel Messi hjá Barcelona hefur verið kosinn besti knattspyrnumaður Evrópu árið 2009 og hlýtur að launum hinn eftirsótta gullbolta. Það er franska blaðið France Football sem stendur fyrir valinu með evrópska fótboltafjölmiðlamanna.

Messi fékk 473 stig í kjörinu en í öðru sæti varð Cristiano Ronaldo með 233 stig. Ronaldo fékk þessi verðlaun í fyrra. Tveir aðrir Barcelona-menn komu síðan í næstu sætum, Xavi var þriðji með 170 stig og í fjórða sæti varð Andrés Iniesta með 149 stig. Fimmti varð síðan fyrrum leikmaður Barcelona, Samuel Eto'o.

Verðlaunin hafa verið veitt síðan 1956 þegar Stanley Matthews vann þau fyrstur. Síðan hafa menn eins og Alfredo Di Stefano, Raymond Kopa, Denis Law, Lev Yashin, Eusebio, Bobby Charlton, George Best, Gerd Muller, Johan Cruyff, Franz Beckenbauer, Kevin Keegan, Karl-Heinz Rummenigge, Michel Platini, Ruud Gullit, Marco van Basten, Ronaldo, Zinedine Zidane, Michael Owen og Ronaldinho hlotið Gullboltann.

Messi er fyrsti Argentínumaðurinn til þess að vinna þessi verðlaun en reglunum var breytt fyrir fimmtán árum. Síðan þá mátti kjósa leikmenn sem eru að spila í Evrópu.

Stigin í kjörinu fyrir árið 2009:

1. Lionel Messi (Barcelona) : 473 stig

2. Cristiano Ronaldo (Manchester United og Real Madrid) : 233 stig

3. Xavi (Barcelona) : 170 stig

4. Andrès Iniesta (Barcelona) : 149 stig

5. Samuel Eto'o (Barcelona og Inter Milan) : 75 stig

6. Kaka (AC Milan og Real Madrid) : 58 stig

7. Zlatan Ibrahimovic (Inter Milan og Barcelona) : 50 stig

8. Wayne Rooney (Manchester United): 35 stig

9. Didier Drogba (Chelsea): 33 stig

10. Steven Gerrard (Liverpool) : 32 stig

11. Fernando Torres (Liverpool): 22 stig

12. Cesc Fabregas (Arsenal) : 13 stig

13. Edin Dzeko (Wolfsburg) : 12 stig

14. Ryan Giggs (Manchester United) : 11 stig

15. Thierry Henry (FC Barcelone) : 9 stig

16. Luis Fabiano (FC Séville), Nemanja Vidic (Manchester United), Iker Casillas (Real Madrid): 8 stig

19. Diego Forlan (Atletico Madrid) : 7 stig

20. Yoann Gourcuff (Bordeaux) : 6 stig

21. Andreï Archavine (Arsenal), Julio Cesar (Inter Milan), Frank Lampard (Chelsea) : 5 stig

24. Maicon (Inter Milan) : 4 stig

25. Diego (Werder Bremen og Juventus) : 3 stig

26. David Villa (Espagne, Valence), John Terry (Chelsea) : 2 stig

28. Franck Ribéry (Bayern Munich), Yaya Touré (FC Barcelone) : 1 stig

30. Karim Benzema (Lyon og Real Madrid): 0 stig