Hálkublettir víða - vegfarendur beðnir að kynna sér veðurspá

Vegagerðin biður vegfarendur um að kynna sér veðurspá og skilyrði til aksturs ætli þeir að vera á ferðinni í kvöld því víða eru hálkublettir. Mikil hálka er á Mýrdalssandi og að sögn lögreglunnar á Hvolsvelli urðu tvær bílveltur þar með stuttu millibili fyrr í kvöld.

Á Vesturlandi eru hálkublettir á Holtavörðuheiði og Fróðarheiði. Á Vestfjörðum err hálkublettir í Ísafjarðardjúpi, hálka á Steingrímsfjarðarheiði, Ströndum og um Arnkötludal. Þungfært er norðan Bjarnafjarðar. Ófært er á Hrafnseyrarheiði og þungfært á Dynjandisheiði. Hálka er í Trostansfirði og á Hálfdán, hálkublettir eru á Kleifaheiði, Klettsháls og í Reykhólasveit. Ófært er um Þorskafjarðarheiði.

Á Norðurlandi eru hálkublettir á Þverárfjalli og hálka á Siglufjarðarvegi, Vatnsskarði og Öxnadalsheiði. Þæfingsfærð er á Lágheiði. Hálka er á Víkurskarði. Hálka og éljagangur er á vegum á Norðausturlandi. Ófært er á Öxarfjarðarheiði og á Hólsandi.

Á Austurlandi er ófært á Hellisheiði eystri. Hálkublettir eru er á Vopnafjarðarheiði. Hálka er á Fjarðarheiði og á Fagradal. Hálkublettir eru á Oddsskarði og á Breiðdalsheiði. Ófært er á Öxi. Á Suðausturlandi er krapi og snjóþekja á vegum og snjókoma og éljagangur.

Segir í tilkynningu frá Vegagerðinni.