O'Neill: City gæti unnið og ætti að vinna deildina

Knattspyrnustjórinn Martin O'Neill hjá Aston Villa telur að mannskapurinn sem Manchester City er komið með og á líklega eftir að bæta við gæti vel nægt til þess að félagið myndi vinna ensku úrvalsdeildina á næsta tímabili.

Hann játar að hann sé hræddur við mátt félagsins á leikmannamarkaðnum en jafnfram spenntur yfir því hvernig félaginu reiðir af inni á vellinum.

„City liðið á eftir að verða gríðarlega sterkt og ég held að fljótlega geti það staðið allt af sér. Þeir eru ef til vill ekki efstir hjá veðbönkum yfir líklega sigurvegara í deildinni á næsta tímabili en þeir ættu að vera það. Þeir eiga jafn góða möguleika á að vinna og öll topplið deildarinnar.

Það sem er að gerast hjá City minnir mann óneitanlega á ástandið hjá Chelsea fyrir fimm árum síðan. Þrátt fyrir að maður finni til vanmáttar í baráttunni á leikmannamarkaðnum gegn svona afli þá getur maður ekki verið annað en spenntur að sjá hvernig mun ganga hjá þeim þegar tímabilið hefst," er haft eftir O'Neill í viðtali við Sky Sports fréttastofuna.