Sektaðir um rúmar 600 þúsund krónur

Michael Essien, Sulley Muntari og Asamoah Gyan hafa allir verið sektaðir um rúmlega 600 þúsund íslenskar krónur fyrir að skrópa í vináttulandsleik á dögunum.

Þeim er gert að greiða sektina á næstu sjö dögum. Einnig ætlast knattspyrnusamband Ghana til þess að leikmennirnir biðji félaga sína og starfsfólk landsliðsins afsökunar á hegðun sinni.

Leikmennirnir spiluðu leik gegn Malí í undankeppni HM en létu sig síðan hverfa til félaga sinna án þess að láta vita.

Þá átti landslið Ghana eftir að spila vináttulandsleik gegn Suður-Afríku.