Fabregas er klár í slaginn

Arsene Wenger, stjóri Arsenal, segir að spænski miðjumaðurinn Cesc Fabregas sé búinn að ná fullri heilsu eftir meiðsli, en ætlar að fara varlega í að láta hann spila á ný.

Fabregas hefur ekki komið við sögu síðan Arsenal gerði 1-1 jafntefli við Liverpool í desember, en þá meiddist hann illa á hné.

"Hann er tilbúinn að spila aftur, en hann þarf þrjá leiki til að ná sér í leikform. Við eigum fyrir höndum átta leiki á 25 dögum og þeir eru allir gríðarlega mikilvægir," sagði Wenger í samtali við franska sjónvarpsstöð.