Félagi Eiðs Smára kemur til greina sem besti Brasilíumaðurinn

Nene, brasilíski framherjinn hjá Mónakó, er einn af 30 brasilískum fótboltamönnum sem kemur til greina sem besti brasilíski fótboltamaðurinn í Evrópu árið 2009. Kaka hlaut þessi verðlaun þegar þau voru afhent í fyrsta sinn í fyrra en þau bera nafnið Samba d'Or eða Gullni Sambinn.

Nene kom aftur til Mónakó í sumar eftir að hafa verið í láni hjá Espanyol á Spáni og hefur spilað mjög vel með franska liðinu á þessu tímabili. Nene hefur meðal annars skorað 10 mörk í 12 leikjum á tímabilinu.

Kosning á Gullna Sambanum er þrískipt en þar koma saman kosning leikmannanna sjálfra, kosning meðlima Sambafoot og svo kosning á netinu. Það er hægt að kjósa hér til 30. desember.

Kaka fékk þessi verðlaun þegar þau voru veitt í fyrsta sinn í fyrra en hann hlaut þá 25 prósent atkvæða. Robinho var þá í öðru sæti með 14 prósent og þriðji var Luis Fabiano með 13 prósent atkvæða.



Þessir eru tilnefndir fyrir árið 2009:

Alex (Spartak Moskva)

Anderson (Manchester United)

André Santos (Fenerbahce)

Naldo (Werder Bremen)

Daniel Alves (Barcelona)

Diego (Werder Bremern og Juventus)

Elano (Manchester City og Galatasaray)

Fabio Aurelio (Liverpool)

Felipe Melo (Fiorentina og Juventus)

Fernandinho (Donetsk)

Filipe (Deportivo la Coruna)

Gilberto Silva (Olympiakos)

Grafite (Wolfsburg)

Hulk (FC Porto)

Julio César (Inter Milan)

Kaka (AC Milan og Real Madrid)

Lucas (Liverpool)

Lucio (Bayern Munich og Inter Milan)

Luis Fabiano (Sevilla)

Maicon (Inter Milan)

Marcelo (Real Madrid)

Maxwell (Inter Milan og Barcelona)

Michel Bastos (Lille og Lyon)

Nenê (Espanyol og Monakó)

Nilmar (Villarreal)

Pato (AC Milan)

Ramires (Benfica)

Robinho (Manchester City)

Ronaldinho (AC Milan)

Zé Roberto (Bayern Munchen og Hambourg)