Sneijder meiddist í sigri Hollands

Holland vann í dag öruggan 3-0 sigur á Japan í vináttulandsleik en þar bar skugga á að Wesley Sneijder meiddist í leiknum.

Robin van Persie, Sneijer og Klaas Jan Huntelaar skoruðu mörk Hollendinga í leiknum.

Bæði lið hafa þegar tryggt sér sæti í lokakeppni HM í knattspyrnu sem fer fram í Suður-Afríku en Holland á einn leik eftir í undankeppninni, gegn Skotum á miðvikudag.

Van Persie skoraði fyrsta markið í dag eftir fyrirgjöf frá Eljero Elia sem lagði reyndar einnig upp þriðja markið fyrir Huntelaar. Sneijder skoraði sitt mark með laglegu skoti.

Sneijder meiddist á hné í leiknum og óvíst hvort hann geti spilað með Hollendingum á miðvikudaginn.