Þjóðverjar og Norðmenn spila á undan íslenska leiknum

Heims- og Evrópumeistarar Þjóðverja mæta Norðmönnum í fyrsta leiknum í íslenska riðlinum á EM í Finnlandi í dag. Leikurinn fer fram á sama velli í Tampere og Ísland og Frakkland spila þremur tímum seinna. Ísland mætir Norðmönnum á fimmtudaginn og spilar síðan við hið gríðarlega lið Þjóðverja á sunnudaginn.

„Leikurinn gefur vísbendingar um hvort liðið sér sterkara. Ég á þó von á því að Þjóðverjarnir vinni þann leik en maður veit því aldrei þar sem Norðmenn voru að vinna Svía fyrir nokkrum dögum. Það eru frábær úrslit hjá þeim og þau sýna það að allt er hægt og allt getur gerst í þessu móti," sagði Sigurður Ragnar Eyjólfsson, landsliðsþjálfari.

Þýskaland og Noregur eru sigursælustu þjóðir Evrópumóts kvenna frá upphafi en ekkert annað land hefur unnið EM frá og með árinu 1987. Þýskaland hefur unnið í undanfarin fjögur skipti og alls sex sinnum og Noregur vann EM 1987 og 1993.