Hector Cuper á Laugardalsvellinum í kvöld - þjálfar Georgíu

Hector Cuper er þjálfari Georgíumanna sem mæta íslenska landsliðinu á Laugardalsvellinum í kvöld. Cuper er 53 ára gamall Argentínumaður sem er þekktastur fyrir að þjálfa spænska liðið Valencia (1999-2001) og ítalska liðið Internazionale (2001-03).

Spænska liðið Valencia komst tvö ár í röð í úrslitaleik Meistaradeildarinnar undir hans stjórn, fyrst 2000 á móti Real Madrid (0-3 tap) og svo 2001 á móti Bayern Munchen (tapaði í vítakeppni).

Hector Cuper tók við landsliði Georgíu 1. ágúst 2008 en hann þjálfaði á undan ítalska liðið Parma frá mars til maí 2008. Cuper hafði síðan þjálfað spænsku liðin Mallorca og Real Betis eftir að hann var rekinn frá Internazionale 2003.