Zidane lék með Real Madrid í kvöld

Franski fótboltamaðurinn Zinedine Zidane lék á ný með Real Madrid í kvöld en hann er þó ekki búinn að taka fram skónna á ný heldur var um sýningarleik að ræða.

Zidane tók þarna þátt í góðgerðaleik. Real Madrid spilaði þar á móti föngum þar sem Zidane lék með öðrum gömlum köppum sem höfðu gert garðinn frægan á fótboltavelinum.

Zidane gæti hugsanlega farið að vinna fyrir Real Madrid komi Florentino Perez aftur til spænska félagsins en hann hefur ekki komið mikið nálægt fótboltanum síðan að hann lagði skónna á hilluna eftir HM 2006.

Zidane og félagar unnu leikinn 8-1 og sýndi Frakkinn gamalkunna takta þótt að honum hafi ekki tekist að skora.