Eins marks tap gegn Þjóðverjum

Íslenska kvennalandsliðið í knattspyrnu hefur lokið keppni á EM í Finnlandi. Lokaleikur liðsins fór fram gegn Þjóðverjum í dag og tapaðist, 1-0.

Það var varamaðurinn Inka Grings sem skoraði eina mark leiksins snemma í síðari hálfleik.

Ísland hlaut ekkert stig í riðlinum. Tapaði tveimur leikjum 1-0 og einum 3-1.

Leikur íslenska liðsins í dag var ágætur. Liðið barðist vel fyrir sínu og varnarleikurinn var vel skipulagður og útfærður.

Sóknarleikurinn lengstum ekki burðugur en Ísland fékk nokkur kjörin tækifæri í síðari hálfleik sem nýttust ekki.

Leiknum var lýst beint á Vísi. Smelltu hér til að opna Boltavaktina og lesa lýsingu leiksins: Ísland - Þýskaland.

Nánari umfjöllun og viðtöl koma á Vísi hér á eftir.