Ferguson og Torres valdir bestir í september

Knattspyrnustjórinn Sir Alex Ferguson hjá Manchester United og Fernando Torres framherji Liverpool voru valdir bestir stjórinn og besti leikmaður septembermánaðar í ensku úrvalsdeildinni en styrktaraðili deildarinnar, Barclays, stendur fyrir valinu.

Torres skoraði fimm mörk í septembermánuði, tvennu í 2-3 sigri gegn West Ham og þrennu í 6-1 sigri gegn Hull, en Spánverjinn er sem stendur markahæsti leikmaður úrvalsdeildarinnar með átta mörk.

Ferguson stýrði United til sigurs gegn Tottenham, Manchester City og Stoke og er félagið nú komið á kunnulegar slóðir í toppsæti deildarinnar. Þetta er í 24. skipti sem Ferguson hefur verið valinn stjóri mánaðarins.