Hólmfríður: Ætla að refsa Frökkunum fyrir að hafa farið svona illa með mig

Hólmfríður Magnúsdóttir er klár í slaginn fyrir leikinn á móti Frökkum annað kvöld og alveg óhrædd við Frakkanna þótt að þeir sparkað hana niður ítrekað í leiknum í Frakklandi í fyrra.

„Ég er vel stemmd og í fínu formi. Ég ætla að hefna fyrir meðferðina þeirra síðast með annaðhvort að skora eða leggja upp mark. Ég ætla allavega að reyna að eiga góðan leik og gera það sem ég get. Það eina sem ég get sýnt er að eiga góðan leik á móti þeim þótt að þær reyni að sparka mig niður," segir Hólmfríður.

Hólmfríður átti mjög góða leiki með landsliðinu í æfingaleikjum liðsins í Englandi í júlí. „Ég var að finna mig vel í leikjunum á móti Englandi og Danmörku og það er kannski búið að hjálpa mér að ég er búin að spila þetta leikkerfi allt tímabilið með Kristianstad," segir Hólmfríður.

Landsliðsþjálfarinn Sigurður Ragnar Eyjólfsson, hrósaði henni mikið eftir leikina og þá sérstaklega fyrir varnarvinnuna. „Ég er því búinn að læra miklu betur inn á þetta leikkerfi og veit því hlutverk mitt hundrað prósent. Það var öðruvísi í fyrra þegar ég var ekki alveg eins dugleg að bakka og skila mér í vörn. Núna verð ég að spila bæði hundrað prósent vörn og hundrað prósent sókn því það þýðir ekkert annað," segir Hólmfríður.

„Þessir leikur frá því í fyrra situr auðvitað í okkur og við ætlum klárlega allar að gera betur en þá. Það hefði sanngjarnt að fá stig út úr þeim leik því við fengum góð færi til þess að komast yfir. Við munum brjálæðar og einbeittar í leikinn og með spennustigið á réttum stað. Við förum bara inn í þennan leik og ætlum að vinna hann," segir Hólmfríður að lokum.