Methagnaður hjá Spurs

Methagnaður var hjá enska úrvalsdeildarfélaginu Tottenham á síðustu sex mánuðunum á síðasta ári. Hagnaður fyrir skatta nam um 40 milljónum punda.

Þetta kemur sér vel fyrir félagið því það áformar að reisa nýjan knattspyrnuvöll í stað gamla White Hart Lane. Félagið er metið á um 300 milljónir punda og er einn best rekni klúbburinn í úrvalsdeildinni.

Hagnað félagsins má að hluta til rekja til sölu þess á framherjunum Robbie Keane og Dimitar Berbatov en liðið keypti Keane fljótlega til baka og bætti við fleiri leikmönnum.