Umfjöllun: Jafntefli í nágrannaslagnum

Það var mikil stemmning á Grindavíkurvelli í gær þegar nágrannliðin Grindavík og Keflavík áttust við í Pepsi-deild karla. Liðin urðu að sættast á jafntefli sem verða að teljast nokkuð sanngjörn úrslit

Grindvíkingar hafa verið í basli í sumar og voru með 7 stig fyrir þennan leik í 9.sæti deildarinnar. Keflvíkingar voru hins vegar í 4.sætinu með 17 stig og gátu með sigri farið uppfyrir Stjörnuna í 2.sæti Pepsi-deildarinnar.

Leikurinn fór frekar rólega af stað og mesta stuðið var í stúkunni, en nýtt áhorfendamet var sett á Grindavíkurvell í kvöld en 1510 manns mættu á völlinn.

Heimamenn náðu smátt og smátt ágætis tökum á leiknum og Gilles Mbang Ondo var ógnandi í framlínu þeirra. Varnarleikur Keflavíkur var hins vegar nokkuð traustur í hálfleiknum og Lasse Jörgensen varði það sem á markið kom.

Keflvíkingurinn Magnús Sverrir Þorsteinsson átti hins vegar hættulegasta færið í fyrri hálfleik en skot hans frá markteig fór framhjá marki Grindavíkur.

Það var síðan Magnús sem kom gestunum yfir strax í upphafi síðari hálfleiks með marki úr vítaspyrnu. Vítaspyrnan var dæmd eftir að Sylvian Soumare tók Símun Samuelsen niður í vítateignum og góður dómari leiksins, Garðar Örn Hinriksson, gerði rétt í því að dæma vítaspyrnu sem Magnús skoraði örugglega úr.

Grindvíkingar voru fljótir að jafna sig á þessu og héldu áfram að þjarma að vörn Keflavíkur. Þeir sköpuðu nokkrum sinnum hættu og á 74.mínútu náði Jósef Kristinn Jósefsson að jafna metin með góðu skoti úr teignum eftir góða samvinnu við Sylvian Soumare. Vel gert hjá Grindvíkingum.

Eftir þetta gerðist lítið markvert og bæði liðin virtust nokkuð sátt með jafnteflið. Niðurstaðan því 1-1 jafntefli í þessum nágrannaslag í Grindavík.

Grindavík - Keflavík 1-1

0-1 Magnús Sverrir Þorsteinssn (v) (50.mín)

1-1 Jósef Kristinn Jósefsson (74.mín)

Grindavíkurvöllur. Áhorfendur: 1510

Dómari: Garðar Örn Hinriksson (7)

Skot (á mark): 11 - 9 (7 - 3)

Varin skot: Óskar 2 - Lasse 6

Horn: 14 - 4

Aukaspyrnur fengnar: 11 - 13

Rangstöður: 7 - 0

Grindavík (4-5-1)

Óskar Pétursson 6

Ray Anthony Jónsson 5

Zoran Stamenic 7

Bogi Rafn Einarsson 7 - Maður leiksins

Jósef Kristinn Jósefsson 6

Gilles Mbang Ondo 7

Orri Freyr Hjaltalín 6

Scott Ramsay 7

Jóhann Helgason 5

Sylvian Soumare 5

(78 Eysteinn Húni Hauksson -)

Þórarinn Brynjar Kristjánsson 4

(64 Óli Baldur Bjarnason 5)

Keflavík (4-4-2)

Lasse Jörgensen 7

Guðjón Árni Antoníusson 6

Bjarni Hólm Aðalsteinsson 6

Alen Sutej 6

Nicolai Jörgensen 4

Magnús Sverrir Þorsteinsson 5

Einar Orri Einarsson 7

Jón Gunnar Eysteinsson 5

Símun Samuelsen 6

(78 Haukur Ingi Guðnason -)

Hörður Sveinsson 5

Stefán Örn Arnarson 4

(62 Magnús Þórir Matthíasson 5)