Federico Macheda líklega boðinn fimm ára samningur

Manchester United gæti boðið ítalska táningnum Federico Macheda fimm ára samning þegar hann verður 18 ára gamall í ágúst.

Macheda hefur skoraði tvö sigurmörk í fyrstu tveimur leikjum sínum fyrir topplið ensku úrvalsdeildarinnar.

„Við munum tala saman aftur þegar hann verður 18 ára. Ég tel það líklegt að Manchester muni vilja bjóða honum fimm ára samning. Það finnst mér skynsamlegt enda er engin ástæða til að missa frá sér leikmann þegar hann er bara 21 árs," sagði Giovanni Bia við ítölsku Sky-sjónvarpsstöðina.

Giovanni Bia er nefnilega umboðsmaður Federico Macheda. „Við höfum ekki rætt neinar upphæðir," sagði Bia en það má telja líklegt að strákurinn geti fengið góðan samning.

United getur þakkað Macheda fyrir að liðið sé enn á toppi ensku úrvalsdeildarinnar því hann hefur skorað sigurmörkin í síðustu tveimur deildarleikjum, 3-2 sigri á Aston Villa og 2-1 sigri á Sunderland.