Umfjöllun: Valskonur tóku bikarinn eftir magnaða framlengingu

Kvennalið Vals er tvöfaldur meistari 2009 en liðið vann 5-1 sigur á Breiðabliki í framlengdum úrslitaleik VISA-bikarsins í dag. Staðan að loknum venjulegum leiktíma var 1-1 en Valsliðið var miklu mun betra í framlengingunni og skoraði þar þrívegis.

Laufey Ólafsdóttir og Kristín Ýr Bjarnadóttir skoruðu tvö mörk hvor fyrir Val og Dóra María Lárusdóttir eitt en Erna Björk Sigurðardóttir skoraði fyrsta mark leiksins fyrir Breiðablik.

Fyrri hálfleikurinn var tíðindalítill og bæði lið nálguðust leikinn af varkárni. Bæði lið fengu þó ágætis færi en markverðirnir tveir voru öruggir. Elsa Hlín Einarsdóttir átti magnaða markvörslu þegar hún varði skalla frá Kristínu Ýr Bjarnadóttur.

Mikið jafnræði var með liðunum en ísinn var brotinn á 75. mínútu þegar Erna Björk kom Blikum yfir með skalla eftir hornspyrnu. Stuttu áður hafði Breiðablik reyndar náð að skora mark sem ranglega var dæmt af.

En varamaðurinn Laufey Ólafsdóttir reyndist hetja Vals í leiknum og náði hún að jafna í 1-1 eftir sendingu frá Rakeli Logadóttur. Þannig var staðan þegar Akurnesingurinn Valgeir Valgeirsson flautaði til loka venjulegs leiktíma og því gripið til framlengingar.

Í framlengingunni var Valsliðið mikið mun sterkara og bauð upp á markaregn á meðan Breiðablik lagði árar í bát. Kristín Ýr kom Val yfir með glæsilegum skalla og Laufey bætti síðan við sínu öðru marki. Kristín Ýr og Dóra María Lárusdóttir bættu síðan við fjórða og fimmta marki Vals.

Yfirburðir Valsstelpna í framlengingunni voru ótrúlegir og fékk liðið færi til að skora enn fleiri mörk. Úrslitin 5-1 í ótrúlegum leik og Valsliðið vann því tvöfalt þetta tímabilið. Glæsilegur árangur hjá Frey Alexanderssyni og hans liði.

Valur - Breiðablik 5-1

0-1 Erna Björk Sigurðardóttir (75.)

1-1 Laufey Ólafsdóttir (82.)

2-1 Kristín Ýr Bjarnadóttir (94.)

3-1 Laufey Ólafsdóttir (98.)

4-1 Kristín Ýr Bjarnadóttir (104.)

5-1 Dóra María Lárusdóttir (113.)

Dómari: Valgeir Valgeirsson (5)

Skot (á mark): 12-8 (9-6)

Varin skot: María 5 - Elsa 3

Horn: 5-5

Rangstöður: 3-1

Valur:

María B. Ágústsdóttir

Sif Atladóttir

Pála Marie Einarsdóttir

Rakel Logadóttir

(110. Dagný Brynjarsdóttir)

Katrín Jónsdóttir

Kristín Ýr Bjarnadóttir

Dóra María Lárusdóttir

Hallbera Guðný Gísladóttir

Thelma Björk Einarsdóttir

Helga Sjöfn Jóhannesdóttir

(65. Laufey Ólafsdóttir)

Embla Grétarsdóttir

Breiðablik:

Elsa Hlín Einarsdóttir

Erna Björk Sigurðardóttir

Hlín Gunnlaugsdóttir

(100. Þórdís Hrönn Sigfúsdóttir)

Helga Pálmadóttir

Guðrún Erla Hilmarsdóttir

(105. Ásta Einarsdóttir)

Sara Björk Gunnarsdóttir

Berglind Björg Þorvaldsdóttir

Fanndís Friðriksdóttir

Dagmar Ýr Arnardóttir

(75. Bára Gunnarsdóttir)

Anna Birna Þorvarðardóttir

Jóna Kristín Hauksdóttir

Smelltu hér til að opna Boltavaktina og lesa lýsingu leiksins: Valur - Breiðablik.