Úrvalsdeildarfélög halda undirbúningi sínum áfram

Ensku úrvalsdeildarfélögunum Chelsea, Manchester City, Blackburn, Birmingham, Burnley, Wigan og Stoke mistókst öllum að vinna neðri deildar andstæðinga sína í æfingarleikjum í dag en Sunderland vann Celtic.

Chelsea gerði 2-2 jafntefli gegn Reading en Brynjar Björn Gunnarsson lék fyrri hálfleikinn fyrir Reading.

Carlo Ancelotti stillti upp sínu sterkasta liði hjá Chelsea en rétt slapp með 2-2 jafntefli eftir að hafa verið 0-2 undir í hálfleik.

Jimmy Kebe og Scott Davies skoruðu fyrir Reading en Salomon Kalou minnkaði muninn fyrir Chelsea á 89. mínútu og Alex Pearce skoraði svo sjálfsmark í uppbótartíma og niðurstaðan sem segir 2-2 jafntefli.

Manchester City gerði 1-1 jafntefli við Barnsley í fyrsta leik Kolo Toure fyrir City.

Daniel Bogdanovic kom Barnsley yfir en Martin Petrov jafnaði leikinn á 88. mínútu og þar við sat.

Aðrir æfingarleikir:

Derby-Stoke 2-2

Nottingham Forest-Birmingham 2-1

Norwich-Wigan 3-2

Celtic-Sunderland 1-2

Burnley-Leeds 1-2

Sheffield Wednesday-Blackburn 2-2