Byrjunarlið Íslands: Rúrik á hægri kantinum

Rúrik Gíslason er í byrjunarliði íslenska landsliðsins sem mætir því norska í undankeppni HM 2010 á Laugardalsvelli í kvöld klukkan 18.45.

Annars er byrjunarliðið hefðbundið. Sölvi Geir Ottesen er í vörninni í stað Hermanns Hreiðarssonar sem er meiddur og þá heldur Gunnleifur Gunnleifsson stöðu sinni í markinu.

Á miðjunni eru þeir Aron Einar Gunnarsson og Brynjar Björn Gunnarsson. Eiður Smári Guðjohnsen er fyrir framan þá og Heiðar Helguson á toppnum.

Rúrik Gíslason er á hægri kantinum og Emil Hallfreðsson þeim vinstri.

Byrjunarliðið er þannig skipað:

Markvörður: Gunnleifur Gunnleifsson

Hægri bakvörður: Grétar Rafn Steinsson

Miðverðir: Sölvi Geir Ottesen og Kristján Örn Sigurðsson

Vinstri bakvörður: Indriði Sigurðsson

Tengiliðir: Brynjar Björn Gunnarsson, fyrirliði og Aron Einar Gunnarsson

Hægri kantur: Rúrik Gíslason

Sóknartengiliður: Eiður Smári Guðjohnsen



Vinstri kantur: Emil Hallfreðsson

Framherji: Heiðar Helguson