FIFA græddi 21 milljarð á síðasta ári

Það er ekki mikil kreppa hjá Alþjóðaknattspyrnusambandinu sem skilaði hagnaði upp á 184 milljónir dollara á síðasta ári eða gróða upp á rétt tæpum 21 milljarði íslenskra króna.

Alls komu 957 milljónir dollara inn í kassann hjá FIFA á árinu 2008 en 94 prósent af þeim tekjum eru vegna sjónvarpstekna, auglýsingatekna eða framlaga frá styrktaraðilum.

Alþjóða fjármagnskreppan hafði engin áhrif á peningastöðu sambandsins en FIFA græddi meðal annars 16 milljónir dollara á því að fjárfesta peningum sínum rétt á árinu.