Upptök eldsins rannsökuð

Fjórir íbúar í húsinu sem brann við Klapparstíg í fyrrinótt gistu í boði Rauða Krossins á Hótel Lind í nótt. Tveir til viðbótar gistu hjá Hjálpræðishernum en aðrir íbúar hafa komið sér fyrir hjá vinum og vandamönnum.

Lögregla rannsakar upptök eldsins á Klapparstíg og samkvæmt upplýsingum þaðan nú í morgun liggur ekkert öruggt fyrir um eldsupptök. Ekki hefur enn verið útlokað að um íkveikju hafi verið að ræða en nágrannar hafa fullyrt í samtölum við Fréttastofu að kveikt hafi verið í húsinu.

Sophia Hansen bjó í húsinu við Klapparstíg ásamt unnusta sínum, Mohammed Attia. Þegar fréttastofa náði af henni tali sagðist hún enn vera að jafna sig á áfallinu en hún missti allt sitt í brunanum. Hún segist aðeins eiga bolinn og buxurnar sem hún var í þegar hún fór út úr húsinu. Á meðal þess sem Sophia glataði voru persónulegir munir dætra hennar Dagbjartar og Rúnu en Sophia stóð sem kunnugt er í harðvítugri forræðisdeilu við föður þeirra, Halim Al.