Sprengjurnar í Ramadi voru þrjár

Að minnsta kosti 22 eru látnir og meira en 60 eru særðir eftir árás hryðjuverkmanna í borginni Ramadi í vesturhluta Íraks í morgun. Sprengjurnar voru þrjár en í fyrstu var talið að þær hafi verið tvær.

Bíl hlöðnum sprengjuefnum var ekið upp að lögreglustöð í borginni og hann í framhaldinu sprengdur loft upp. Rétt á eftir sprakk mótorhjól sem hafði verið komið fyrir skammt frá bílnum. Þetta virðist hafa verið gert til að valda sem mestum skaða. Þriðju sprengjunni var komið fyrir í bíl fyrir utan sjúkrahús í borginni en hún sprakk skömmu síðar.