Ágúst ræður Eyjólf Kjalar á Bifröst

Dr. Eyjólfur Kjalar Emilsson hefur verið ráðinn prófessor við félagsvísindadeild Háskólans á Bifröst. Eyjólfur hefur verið prófessor í heimspeki við Háskólann í Osló undanfarin 14 ár og mun gegna því starfi áfram. Hann er heimspekingur að mennt með doktorsgráðu frá Princeton háskóla í Bandaríkjunum.

Hann mun koma að kennslu við Háskólann á Bifröst í heimspeki með reglubundnum hætti og taka þátt í að móta áfram námsbraut í Heimspeki hagfræði og stjórnmálafræði sem Háskólinn á Bifröst hefur boðið upp á um fjögurra ára skeið, einn háskóla á Íslandi.

Að sögn Ágústs Einarssonar rektors Háskólans á Bifröst er ráðning Eyjólfs Kjalars mikill fengur fyrir skólann og íslenskt fræðasamfélag. Með henni eru kennsla og rannsóknir skólans á sviði félagsvísinda efldar og áhersla hans á skapandi hugsun og menningu aukin enn frekar.

Eyjólfur hefur flutt fyrirlestra við háskóla víða um heim og birt fjölda ritgerða og bóka á alþjóðlegum vettvangi. Hann hefur m.a. þýdd á íslensku nokkrar bækur í Lærdómsritunum. Eyjólfur er nú m.a. einn stjórnenda stórs alþjóðlegs rannsóknaverkefnis um siðfræði.