Torres: Gerrard er sá besti

Menn keppast við að hlaða lofi á Steven Gerrard þessa dagana og liðsfélagi hans hjá Liverpool, Fernando Torres, er þar ekki undanskilinn. Sá er hæstánægður með fyrirliðann sinn sem hann segir vera besta leikmann heims um þessar mundir.

„Það hafa margir af bestu leikmönnum heims verið að hrósa Stevie. Það kemur mér ekkert á óvart því hann er sá besti í heiminum. Hann er frábær liðsleikmaður en getur einnig unnið leiki upp á eigin spýtur þegar hinir eru ekki að leika nógu vel," sagði Torres.

„Það myndi gleðja mig að sjá hann ná frekari árangri. Ég gæti ekki hugsað mér að spila með neinum öðrum en honum. Rimman gegn Chelsea verður ekki auðveld en við Stevie erum báðum sáttir við formið sem við erum í."

Gerrard er nýbúinn að framlengja samningi sínum við Liverpool til 2013 og Torres segist vel vera til í að gera slíkt hið sama.

„Ég hef margoft sagt að Liverpool var eina liðið sem ég vildi fara í fyrir utan Atletico. Það hefur ekkert breyst. Það eru aðeins þessi tvö félög í hjarta mínu. Ég hef stutt Liverpool frá því að ég var polli og hef hugsað mér að vera hér lengi."