Baldur og Bjarni valdir í landsliðið

Baldur Sigurðsson og Bjarni Ólafur Eiríksson hafa verið kallaðir í íslenska landsliðsins vegna forfalla annarra leikmanna.

Eiður Smári Guðjohnsen og Brynjar Björn Gunnarsson fá frí þegar að Ísland mætir Georgíu í vináttulandsleik á miðvikudaginn. Þá meiddist Sölvi Geir Ottesen í leiknum gegn Noregi í gærkvöldi og missir af þeim sökum af leiknum á miðvikudag.

Þá taka þeir Aron Einar Gunnarsson og Rúrik Gíslason ekki þátt í leiknum þar sem þeir munu spila með U-21 landsliðinu gegn Norður-Írum ytra á þriðjudagskvöldið.