Riise skoraði langþráð mark

Mark John Arne Riise á Laugardalsvellinum í dag var fyrsta mark Norðmanna á útivelli í undankeppni stórmóts síðan í nóvember árið 2007.

Noregur hefur ekki átt góðu gengi að fagna undanfarin misseri en 4-0 sigur liðsins á Skotum í síðasta mánuði gaf Norðmönnum von um að ná öðru sæti riðilsins og þar með sæti í umspili undankeppni HM 2010.

En jafnteflið gegn Íslandi gerði í raun út um vonir Norðmanna sem eiga þó enn tölfræðilegan möguleika á að komast í umspilið. En það er afar lítill og fjarlægur möguleiki.

Norskir fjölmiðlar eru sammála um að Ísland var betri aðilinn í leiknum í gær og hefði átt að vinna.