Eiði hugnast ekki leikstíll Noregs

Eiður Smári Guðjohnsen sagði í samtali við norska fjölmiðla eftir leikinn í gær að hann væri ekki hrifinn af leikstíl norska landsliðsins eins og liðið spilaði á Laugardalsvellinum í gær.

Hann sagði í viðtali við Verdens Gang að hann hefði ekkert gegn Norðmönnum og væri ekkert sérstaklega ánægður þó svo að liðið eigi í raun enga möguleika lengur á sæti á HM.

„Það var vissulega gott að skora og frammistaða okkar var góð. Það voru vonbrigði að skora ekki. Við viljum þó að Noregur komist áfram á HM en verðum fyrst og fremst að hugsa um okkur."

Hann var spurður um sitt álit á leikstíl norska liðsins. „Þetta er ekki stíll á fótbolta sem mér líkar. Ég vildi ekki sjálfur spila í svona liði."

„Ég hef alltaf spilað í liðum þar sem lögð er áhersla á spil og snertingar en svona vill norski þjálfarinn spila. Þetta er bara hans skoðun og skoðanir eru mismunandi."