Finnar enn á sigurbraut

Finnar unnu sinn annan leik á EM í dag, í þetta sinn á Hollandi, 2-1. Finnum hefur því gengið vel á heimavelli en liðið vann Dani í fyrsta leik.

Það var Laura Österberg Kalmari sem skoraði bæði mörk Finna í dag. Það fyrra á 7. mínútu en rúmum stundarfjórðungi síðar jafnaði Kirsten van de Ven metin fyrir þær hollensku.

Kalmari skoraði svo sigurmark heimamanna á 69. mínútu. Finnar eru því öruggir með sæti í fjórðungsúrslitunum, fyrst þjóða á mótinu. Þeir eru öruggir með efsta sætið í A-riðli en Úkraína er úr leik.

Það ræðst því í leik Dana og Hollendinga um helgina hvort liðið nær öðru sæti A-riðils.