Friður á Írskum dögum

Engin stórmál hafa komið upp hjá lögreglunni á Akranesi en þar fara nú í hönd útihátíðin Írskir dagar. Að sögn varðstjóra var nokkuð um ölvun og talsverður erill á lögreglu en nóttin gekk stóráfallalaust fyrir sig.

Hátíðin hefur verið umtöluð undanfarin ár en hún var fyrir barðinu á svokölluðum SMS-hátíðum þar sem unglingar láta smáskilaboðin ganga sín á milli og mæta svo á útihátíðina í hundruða tali. Þessum hátíðum fylgja gríðarlegt álag fyrir lögreglunnar.

Svo virðist sem Írskir dagar séu lausir við þessi ungmenni og ber hátíðin friðsælli brag en áður að sögn varðstjóra.