Verður Neill áfram hjá West Ham eftir allt saman?

Fyrirliðinn Lucas Neill er búinn að vera samningslaus hjá West Ham eftir að hann hafnaði samningsboði félagsins í lok leiktíðar og fastlega var búist við því að hann mynda leita á önnur mið.

Það hefur hins vegar lítið gerst í hans málum en félög á borð við Galatasaray og Tottenham voru orðuð við kappann en svimandi háar launakröfur leikmannsins hafa líklega verið mikil hindrun í mögulegum félagsskiptum.

Neill var einn af fyrstu leikmönnunum sem Eggert Magnússon, fyrrum stjórnarformaður West Ham, samdi við og Neill fær ekkert í líkingu við þau laun hjá neinum öðrum félögum.

Samkvæmt Sky Sports fréttastofunni er talið líklegast að leikmaðurinn semji þó við West Ham að nýju en Ástralinn mun taka á sig mikla launalækkun og jafnvel verður gengið frá málum á morgun.