Bilic: Englendingar geta orðið heimsmeistarar

Slaven Bilic, þjálfari króatíska landsliðsins, er á því að Englendingar geta orðið heimsmeistarar í Suður-Afríku eftir að hann horfði á sína menn tapað 1-5 fyrir enska landsliðinu í undankeppni HM á Wembley í gær. Bilic átti samt ekki auðvelt með að tjá sig eftir leikinn enda alveg niðurbrotinn maður.

„Við bjuggumst alls ekki við að fá svona útreið ekki einu sinni í okkar verstu martröð. Þetta var ekkert venjulegt tap því við urðum okkur til skammar. Þeir spiluðu frábærlega frá fyrstu mínútu," sagði Bilic.

„Þeir voru miklu betri frá byrjun og voru mun beittari áður en þeir skoruðu fyrsta markið. Við gátum þakkað fyrir að vera bara 2-0 undir í hálfeik en markvörðurinn okkar sá til þess að þeir voru ekki búnir að skora fimm mörk í hálfleik," sagði Bilic.

„Það gerðu ekki ein sendingarmistök fyrsta hálftímann og allar sendingar bjuggu til hættu. Ef enska liðið spilar svona þá geta þeir að sjálfsögðu orðið heimsmeistarar," sagði Bilic.