Óttast svarta atvinnustarfsemi í veitingarekstri

Erna Hauksdóttir, framkvæmdastjóri Samtaka ferðaþjónustunnar, óttast að svört atvinnustarfsemi í veitingarekstri fari aftur á fulla ferð með hækkandi sköttum. Hærri skattar koma illa niður á fyrirtækjum í ferðaþjónustu enda þegar búið að ganga frá flestum samningum fyrir komandi ár.

„Þegar að virðisaukaskatturinn var lækkaður niður í 7% þá dró mjög mikið úr samkeppni við svarta starfsemi. Það gefur auga leið að þegar þetta fer aftur til baka er mjög mikil hætta á því sú starfsemi fari aftur á fulla ferð," sagði Erna í seinnifréttum Ríkissjónvarpsins í kvöld.