Ameobi skoraði þrennu í sigri Newcastle

Newcastle vann í dag sinn fyrsta sigur á tímabilinu í ensku B-deildinni er liðið vann Reading, 3-0. Shola Ameobi skoraði öll þrjú mörk Newcastle í leiknum.

Brynjar Björn Gunnarsson og Gylfi Þór Sigurðsson voru báðir á varamannabekk Reading í dag.

Jonas Gutierrez hafði tvívegis komist nálægt því að skora áður en Ameobi skoraði fyrsta markið á 38. mínútu. Hann skoraði svo tvisvar í þeim síðari, það síðara úr vítaspyrnu.

Þetta var í fyrsta sinn sem Ameobe skorar þrennu á sínum ferli.

Með sigrinum færðist Newcastle upp í fjórða sæti deildarinnar en Reading er í því næstneðsta með aðeins eitt stig eftir fyrstu tvo leikina.