Allt að 3000 manns á Gaddastaðaflötum

Allt að 3000 manns eru á sumarhátíðinni á Gaddastaðaflötum við Hellu. Nóttin gekk vel og engin meiriháttar mál komu upp, að sögn lögreglu.

Um er að ræða útihátíð fyrir alla fjölskylduna, þar sem boðið er upp á keppni af ýmsum toga í hestaíþróttum, skemmtiatriði, söng og sýningu. Hátíðin nær hápunkti í kvöld þegar Töðugjöld verða haldið.

„Mikil og öflug gæsla verður á mótssvæðinu og er það samhljóma rómur þeirra sem að löggæslu og almennri gæslu standa að þetta hafi verið forsmekkurinn að góðri hátíð," segir í tilkynningu frá lögreglunni.

Upplýsingar um hátíðina er hægt að sjá hér.