Lítil stemmning og endalausar tilkynningar í hátalarakerfinu

Það voru ekki bara leikmenn enska landsliðsins sem voru gagnrýndir fyrir „flata" frammistöðu á móti Úkraínu í undankeppni HM í gærkvöldi því sumum fjölmiðlamönnum fannst ekki mikið heyrast í þeim 90 þúsund manns sem voru samankomnir á nýja Wembley.

Það er er kannski skiljanlegt að það gangi illa að byggja upp stemmningu á vellinum þar sem í gangi voru sífeldar tilkynningar frá enska knattspyrnusambandinu í hátalarakerfi vallarins.

Í stað þess að syngja sig í stuð þá var áhorfendum gert að hlusta á hverja tilkynninguna á eftir annarri fram að leik. Þeim var meira að segja boðinn enski landsliðsbúningurinn til sölu á algjör tilboðsverði - 50 ensk pund eða tæpar 8.800 íslenskar krónur.

Enskir stuðningsmenn eru þekktir fyrir að styðja frábærlega á bak við sitt landslið á útivöllum en það gengur ekki nærri því eins vel að ná upp stemmningunni á heimavelli. Þar eru Tyrkir og Grikkir ennþá í sérflokki að mati Mitch Phillips sem skrifar um þetta mál fyrir Reuters.