Eiður Smári fékk aðeins betri dóma fyrir Nice-leikinn

Eiður Smári Guðjohnsen hefur ekki fengið góða dóma fyrir fyrstu tvo leiki sína með Mónakó í frönsku deildinni þrátt fyrir að liðið hafi unnið þá báða með markatölunni 5-1. Eiður Smári hefur sem dæmi fengið lægstu einkunn liðsins í báðum leikjunum hjá franska fótboltablaðinu France Football hefur leikmönnum einkunn á bilinu 0-10 fyrir hvern leik.

Eiður Smári fékk þrjá í einkunn fyrir fyrsta leikinn sem var á móti Paris Saint-Germain en hann fékk fjóra í einkunn fyrir fyrri hálfleikinn á móti Nice um helgina. Eiði var skipt útaf í hálfleik og varamaður hans, hinn 19 ára gamli Nicolas Nkoulou Ndoubena, fékk fimm í einkunn.

Fyrirliðinn Alejandro Alonso fékk hæstu einkunn leikmanna Mónakó eða átta en hann skoraði tvö af þremur mörkum liðsins í leiknum. Nene og Chu Young Park komu næstir með sitthvora sjöuna.