Fljótasta mark sögunnar - myndband

Fljótasta mark knattspyrnusögunnar var skorað í Sádi Arabíu um helgina. Markið skoraði hinn 21 árs gamli leikmaður Al-Hilal, Nawaf Al Abed.

Markið kom í leik Al-Hilal og Al Shoalah og var skorað eftir aðeins tvær sekúndur.

Al Abed sá að markvörður gestaliðsins stóð framarlega og lét vaða um leið og búið var að taka upphafsspyrnuna. Boltinn sigldi í netið.

Sögusagnir eru á kreiki um hvort þetta hafi verið ákveðið fyrirfram enda gerði markvörðurinn ekki einu sinni heiðarlega tilraun til þess að verja þó svo boltinn hafi verið í nokkuð þægilegri hæð fyrir hann.

Sjón er þó sögu ríkari og má sjá markið hér.