Eiður Smári ekki farinn að tala frönsku - myndband

Eiður Smári Guðjohnsen er mikill tungumálamaður eins og þekkt er en hann þarf þó einhvern tíma til að fara að tala frönsku í viðtölum við fjölmiðla. Á heimasíðu AS Monaco má finna myndband með viðbrögðum leikmanna liðsins eftir 2-0 sigur á Paris Saint-Germain í fyrsta leik Eiðs Smára um síðustu helgi.

Eiður Smári tjáir sig á ensku á tveimur stöðum í myndbandinu sem má finna hér en auk þess eru viðtöl við marga aðra leikmenn sem fara öll fram á frönsku. Það skilja kannski ekki margir hvað fer þarna fram en það er athyglisvert að sjá okkar mann og um leið að fá aðra sín á nokkra af félögum hans í liðinu. Viðtalið við Eið Smára byrjar eftir 27 sekúndur.

„Ég er ánægður af því að liðið vann. Ég á enn eftir að venjast öllu og læra inn á samherjana, leikkerfið og allt sem tengist þessu. Ég er viss um að hinn sanni Guðjohnsen komi í ljós á næstu vikum. Það er samt ekki mikilvægt hvernig ég spilar heldur skiptir öllu hvernig liðið spilar. Ég er mjög ánægður með þennan sigur," sagði Eiður Smári fyrst í myndbandinu en bætti svo þessu við í lokin en sá hluti viðtalsins byrjar eftir 3 mínútur og 17 sekúndur.

„Þetta eru mikilvæg þrjú stig ekki bara hvað varðar stigatöfluna heldur einnig af því að við vorum að spila við Parísar-liðið. Þetta er sérstakur leikur og það er mjög ánægjulegt fyrir mig og fyrir liðið að við skyldum vinna þennan leik," sagði Eiður Smári.

Á heimasíðunni má einnig sjá leikmenn AS Monaco undirbúa sig fyrir liðsmyndina sem var tekin í vikunni. Það myndband má finna hér.