Zola: Ég er ekki að hætta hjá West Ham

Gianfranco Zola neyddist í kvöld til að lýsa því yfir að hann sé ekki að hætta með West Ham. Orðrómurinn á Englandi er sterkur og hefur breiðst hratt út, að Zola sé svo leiður á fjárhagsvandræðunum eftir gjaldþrot Björgólfs Guðmundssonar, fyrrum eigenda, að hann vilji hætta.

"Það er einfaldlega ekki rétt," sagði Zola í kvöld.

Hann neitaði einnig að tjá sig um að félagið hefði lagt fram lokatilboð í framherjann Marouane Chamakh en ekki er mikið talað um að Eiður Smári Guðjohnsen sé á leiðinni til félagsins, þrátt fyrir að ákveðnar viðræður um það séu hafnar.