Terry: Kom aldrei til greina að fara frá Chelsea

Þagnabindindi John Terry, fyrirliða Chelsea, lauk loksins í gær þegar hann tilkynnti að hann yrði áfram hjá félaginu. Manchester City vildi fá Terry til liðs við sig.

„Ég er trúr og tryggur Chelsea og hef alltaf verið það. Það var aldrei möguleiki að ég færi frá liðinu," sagði Terry en City var til í að bjóða honum gull og græna skóga.

„Chelsea hefur gefið mér skýrt svar að það hafi aldrei komið til greina að taka einhverjum gylliboðum í mig. Ég veit að margir telja að ég hefði átt að tjá mig fyrr en það var ákvörðun mín og félagsins að ég myndi bíða með að tjá mig."

Terry hefur verið hjá Chelsea síðan hann var 14 ára, unnið Englandsmeistaratitilinn tvisvar, FA bikarinn fjórum sinnum, deildabikarinn þrívegis og UEFA bikarinn einu sinni. Hann hefur verið kallaður herra Chelsea og segir að metnaðurinn innan félagsins í dag sé meiri en nokkru sinni fyrr.