Mótmæli næturinnar

Eftir að þúsundir manna höfðu mótmælt friðsamlega við þjóðleikhúsið í gærkvöldi sauð upp úr eftir að aðsúgur var gerður að lögreglu við alþingishúsið. Mikill mannfjöldi var þar samankominn langflestir í friðsmalegum tilgangi en hluti mótmælenda var afar órólegur og ógnandi í garð lögreglu.

Lögreglan freistaði þess að leysa upp mótmælin með því að beita piparúða og við það sundraðist hópurinn nokkuð.

Skömmur síðar safnaðist fólk aftur saman við alþingishúsið. Einn hluti við vestuhlið alþingisskálans en annar hópur fyrir utan aðaldyr alþingishúsið. Sá hópur er sagður hafa unnið skemmdir á aðalhurð hússins en lögregla svaraði þá með því að sprengja táragas á austurvelli í fyrsta skiptið síðan 1949.

Mikið panikk skapaðist þá á Austurvelli og áttu mótmælendur fótum sínum fjör að launa. Eftir að gasið fjaraði út safnaðist hópurinn aftur saman fyrir framan alþingishúsið og nokkrir mótmæelanda tóku að grýta lögreglu, meðal annars með grjóti en lögregla svaraði með því að sprengja meira táragas. Um tíu slíkar sprengjur voru sprengdar.

Hópurinn tvístraðist nokkuð við þetta en sameinaðist hins vegar aftur við horn pósthússtrætis og bankastrætis. Þaðan var ákveðið að ganga að stjórnarráðinu og halda mótmælum áfram. Í fyrstu var lögrega hvergi sjáanleg þar. En eftir að nokkrir hófu að brjóta rúður í stjórnarráðinu og kveikja elda var lögregla send á vettvang. Um átta brynvarðir lögreglumenn tóku sér stöðu fyrir framan stjórnarráðið en þeir voru látlaust grýttir í um það bil 15 mínútur.

Einn lögreglumaður fékk grjót í síðuna og var fluttur slasaður á brott í sjúrkrabíl. Lögregla þrefaldi þá í liði sínu við stjórnarráðið en greip ekki til neinna aðgerða til að byrja með. Þeir voru áfram grýttir þar til nokkrir mótmælendur tóku sér stöðu fyrir framan þá með það að markmiði að verja lögreglumennina fyrir grjótkastinu.

Um 300 manns voru í liði mótmælenda fyrir utan stjórnarráðið allt þar til klukkan var að verða hálf þrjú en þá fækkaði hratt í hópnum. Þeir allra síðustu yfirgáfu lækjargötuna um klukkan 3 í nótt. Meira en 15 tímum eftir að mótmælin hófust.