Sir Alex sammála tveggja leikja banni Eduardo

Sir Alex Ferguson er sammála tveggja leika banni Eduardo, leikmanns Arsenal. Eduardo fékk bannið fyrir leikaraskap gegn Celtic en hann fiskaði vítaspyrnu sem hann skoraði síðan sjálfur úr.

Bannið, sem Arsenal hefur áfrýjað, hefur vakið mikla athygli. Vilja margir meina að bannið sé alltof þungt og að Eduardo hefði ekki fengið bann ef hann hefði fengið gult spjald fyrir leikaraskap í leiknum sjálfum. Sitt sýnist hverjum en stjóri Manchester United er ánægður með dóminn.

„Þetta var mikilvægur leikur og það þurfti að gera eitthvað. Vonandi komast skilaboðin til skila," sagði Ferguson meðal annars. „Ég held að enginn þjálfari sé stoltur af því þegar leikmaður lætur sig detta. Enginn getur verið stoltur af því," sagði stjórinn.

Smelltu hér til að sjá myndband af atvikinu af YouTube.